Бишкек, 19.08.26. /Кабар/. Ак-Суу районуна караштуу Башарын тилкесинде жайгашкан “Ак-Булак” ишканасына пландан тышкары текшерүү иштери жүргүзүлдү. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Маалыматка ылайык, Ысык-Көл облустук Экологиялык-техникалык көзөмөл кызматы текшерүүдө ишканага Укук бузуулар жөнүндө кодекстин негизинде айлана-чөйрөгө агынды сууларды чыгарууну жүзөгө ашыруунун тартибин бузгандыгы үчүн 28 миң сом, жерлерди пайдалануу эрежелерин бузгандыгы үчүн 13 миң сом өлчөмүндө айып салынды.
Ошондой эле жер кыртышын бузгандыгы үчүн келтирилген зыянды өндүрүү максатында 7 200 сом өлчөмүндө доо коюлду.
