Бишкек, 22.03.25. /Кабар/. Бүгүн суу ресурстары, айыл чарба жана кайра иштетүү өнөр жайы министри Бакыт Төрөбаев Чүй облусунун Сокулук районунун жазгы талаа иштеринин жүрүшү менен таанышты.
Министр дыйкандар менен жолугуп, жер айдоо, үрөн себүү, суу менен камсыздоо жана айыл чарба техникаларынын абалы боюнча маалымат алды. Ошондой эле алардын көйгөйлөрүн жана сунуштарын укту.
Муну менен катар сапардын алкагында министр суу жеткирүү маселелерине, минералдык жер семирткичтердин жеткиликтүүлүгүнө жана жаңы агротехнологияларды колдонуу мүмкүнчүлүктөрүнө да токтолду.
