Бишкек, 11.09.26. /Кабар/. Талас облусундагы "Айтматов ааламы" мемориалдык музей-комплексинде электр энергиясын ишенимдүү камсыз кылуу үчүн 400 метр СИП-2 зымы тартылды. Бул тууралуу Энергетика министрлигинен билдиришти.
Мындан тышкары, күтүүсүз өчүүлөргө даярдык көрүү максатында 120 кВт кубаттуулуктагы резервдик генератор орнотулуп, электр энергиясын автоматтык түрдө резервдик булакка өткөрүүчү автоматтык кошуу системасы коюлду.
Ошондой эле иш-чара өтүүчү аймактагы 7 боз үйгө электр жабдуулары орнотулуп, электр энергиясы жеткирилди. Даярдык иштерин Талас электр тармактар ишканасынын Айтматов райондук электр тармагынын кызматкерлери жүргүздү.
