Бишкек, 14.04.26. /Кабар/. Кыргызстандык балбан Айпери Медет кызы кыз-келиндер күрөшү боюнча 76 кг салмак ченинде Дүйнөлүк күрөш уюмунун рейтингинде биринчи сапка жайгашты.
Спортчу жалпысынан 53 миң упай топтогон.
Рейтингде кыргыз балбанынан кийин экинчи орунда эквадорлук спортчу, үчүнчү сапта Кубанын өкүлү жайгашты.
Белгилей кетсек, Айпери Медет кызы жакында эле Бишкекте өткөн Азия чемпионатында күмүш медаль жеңген.
27 жаштагы Айпери Медет кызы 76 кг салмак категориясында күч сынашып келет.
