Бишкек, 16.06.26. /Кабар/. Министрлер кабинетинин төрагасы Адылбек Касымалиев иш сапары менен Өзбекстандын Ташкент шаарына барды.
Министрлер кабинетинин төрагасынын учагы “Хумо” эл аралык аэропортуна конду.
Министрлер кабинетинин төрагасы Адылбек Касымалиевди Өзбекстандын премьер-министринин орун басары Ачилбай Раматов жана башка расмий кызмат адамдары тосуп алышты.
Аэропорттун флагштокторуна Ташкент инвестициялык V эл аралык форумуна катыша турган өлкөлөрдүн мамлекеттик туулары илинип, ардактуу кароол тизилди.
Белгилей кетсек, иш сапарынын алкагында министрлер кабинетинин төрагасы Ташкент инвестициялык V эл аралык форумуна катышып, пленардык жыйынында сөз сүйлөйт. Ошондой эле Өзбекстандын расмий жогорку кызмат адамдары менен эки тараптуу жолугушуусу өткөрүлөт жана бир катар объекттерге барат.
