Бишкек, 23.02.26. /Кабар/. Жалпы билим берүү уюмдарынын окутуу кыргыз жана орус тилдеринде жүргүзүлгөн 7-класстары үчүн "Табигый илимдер" предмети боюнча окуу китеби басылып чыкты. Бул тууралуу Агартуу министрлигинен билдиришти.
Окуу китеби жалпысынан 144 миң 965 нускада басылды. Анын ичинен 86 миң 600 нускасы окутуу кыргыз тилинде жүргүзүлгөн мектептер үчүн, ал эми 58 ми 365 нускасы окутуу орус тилинде жүргүзүлгөн мектептер үчүн даярдалды.
Окуу китептери өлкөнүн бардык аймактарындагы билим берүү уюмдарына таратылат.
Аталган окуу-методикалык комплекси мамлекеттик билим берүү стандарттарына ылайык иштелип чыкты.
