Бишкек, 18.12.25. /Кабар/. 4 жылдан бери ундун баасы туруктуу бойдон калууда. Бул тууралуу Монополияга каршы жөнгө салуу кызматынын жетекчиси Жээналы Орозбаев “Кабар подкаст” берүүсүндө билдирди.
Анын айтымында, 1 кг ундун баасы 35-45 сомду түзүп жатат.
“Мурда ун иштеткен 8 компания гана калган. Азыр алардын саны кайра көбөйүп, 33кө жетти. Ундун баасы бир убакта 50 сомго чейин жеткен учурлар болгон. Кайра 35-36 сомго чейин түшүп калды. Өндүрүүчүлөр менен түзүлгөн келишимдин негизинде ун менен камсыздоо, баасын туруктуу кармоо боюнча иштер үзгүлтүксүз жүргүзүлөт”, - деди ал.
