Бишкек, 05.02.26. /Кабар/. 2025-жылы өлкөдө 4 429 кырсык катталып, материалдык чыгым 2 млрд 30 млн сомду түздү. Бул тууралуу Өзгөчө кырдаалдар министрлигинин 2025-жылдагы ишмердүүлүгүнүн жыйынтыгын чыгарган жыйында министрдин биринчи орун басары Азамат Мамбетов билдирди.
Анын айтымында, бул 2024-жылга салыштырмалуу 16 пайызга көп, ал эми чыгымдар эки эсеге көбөйгөн. Кырсыктардын ичинен:
- өрт - 3754;
- жол кырсыгы - 271;
- кар көчкү - 14;
- сел каптоо - 83;
- суу каптоо - 22;
- суу ташкыны - 6;
- шамал - 35;
- таш кулоо - 8;
- сууда катталган кырсыктар - 38;
- жер көчкү - 9;
- кутурма - 1;
- катуу жаан - 2;
- кар күрткү - 13;
- оор кар түшүү - 3;
- шахта урап түшүү - 4;
- жер титирөө 129;
- катуу бурганак - 1;
- мөндүр - 1;
- бийик тоолуу табигый көлдүн жырылуусу - 1.
Мамбетов белгилегендей, 2025-жылы өлкөдө 14 өзгөчө кырдаал катталып, 32 адам каза болгон. Материалдык чыгымы 60 млн 252 миң сомду түздү. 2024-жылга салыштырмалуу өзгөчө кырдаалдардын кесепеттери кыйла азайган.
