Бишкек, 28.07.26. /Кабар/. Саламаттык сактоо министри Дамир Осмонов Ислам өнүктүрүү банкынын (ИӨБ) делегациясы менен жолугушуп, мобилдик клиника долбоорун талкуулады.
Ведомстводон билдиришкендей, 2021-жылдан бери бул мобилдик клиника алыскы аймактардагы 171 миңден ашуун бейтапка акысыз жардам көрсөтүп, 587 миңден ашык диагностикалык изилдөө жүргүздү.
Учурда Саламаттык сактоо министрлиги клиниканы өз балансына алууга даярданууда.
Жолугушууда иштерди толук жана тоскоолдуксуз өткөрүп алуу үчүн кыргыз тарап ИӨБгө долбоорду каржылоону дагы 2 жылга узартуу сунушун киргизди. ИӨБ өкүлдөрү кызматташтыкты өнүктүрүүгө даяр экенин ырасташты.
