Бишкек, 20.01.25. /Кабар/. Бүгүн агартуу министринин орун басары Надира Жусупбекова мектепке чейинки курактагы балдар үчүн билим берүүчү контентти даярдоого адистешкен D Billions компаниясынын өкүлү менен жумушчу жолугушуу өткөрдү.
Ведомстводон маалымдашкандай, жолугушуунун жүрүшүндө тараптар Кыргызстандагы мектепке чейинки билим берүү тармагындагы кызматташуунун мүмкүн болгон багыттарын талкуулашты.
Айрыкча мектепке чейинки билим берүү уюмдарында заманбап билим берүү материалдарын жана медиаресурстарды пайдалануу маселелерине өзгөчө көңүл бурулду.
