Бишкек, 17.12.25. /Кабар/. Жогорку Кеңештин жаңы шайланган VIII чакырылышынын депутаттарынын ант берүү аземи аяктады.
БШК төрагасы Тынчтык Шайназаров бардык депутаттарды эл өкүлү кызматына киришүүсү менен куттуктап, элге ак кызмат кылууга чакырды.
Жалпы 87 депутат ант берип, расмий түрдө кызматына киришти.
Депутаттарга төш белгиси тапшырылып, мандат тапшырылгандан кийин эл өкүлдөрү ант беришти.
Ант берүү аземине министрлер кабинетинин мүчөлөрү, Борбордук шайлоо комиссиясынын өкүлдөрү жана ошондой эле президент Садыр Жапаров катышууда.
