Бишкек, 27.09.25. /Кабар/. Мамлекеттик ипотекалык компанияга жаш мугалимдерди нөлдүк пайыздык шартта турак жай менен камсыз кылуу зарылдыгы айтылды.
Министрлер кабинетинин кезектеги жыйынында министрлер кабинетинин төрагасы Адылбек Касымалиев бул максатта программа иштеп чыгууну Мамлекеттик ипотекалык компанияга тапшырды.
Ал эми Курулуш министрлигине Бишкек, Ош жана Манас шаарларындагы демографиялык өсүүнү эске алуу менен, билим берүү имараттарын куруу боюнча башкы планды кайрадан карап чыгуу керектигин белгиледи.
"Аларды учурдагы жарандык курулуш стандарттарына жараша заманбап инклюзивдик талаптарына ылайык кайра түзсүн”, - деди Адылбек Касымалиев.
