Бишкек, 19.02.26 /Кабар/. Борбордук шайлоо комиссиясы бүгүн, 19-февралдагы жыйынында Жогорку Кеңештин депутаты Акаев Жанарбек Кубанычовичтин ыйгарым укуктарын мөөнөтүнөн мурда токтотуу чечимин кабыл алды.
Боршайкомдон билдиришкендей, бул чечим президенттин 2026-жылдын 18-февралындагы № 65 жарлыгынын негизинде кабыл алынды.
Ошондой эле БШКнын токтому менен Жанарбек Акаевдин депутаттык ырастамасы жараксыз деп таанылды.
