Бишкек, 02.09.26. /Кабар/. Ош облусунун Өзгөн районунда чийки заттан даяр продукцияга чейинки бирдиктүү өндүрүштүк чынжыр түзүлөт. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Министрдин орун басары Рыскүл Акимжанова райондогу бир катар ишканалардын иши менен таанышып, анын ичинде "Эко Өзгөн күрүчү" муниципалдык ишканасына барды. Бул жерде күрүчтү кайра иштетүүдөн калган дан кабыгы таштандыга чыгарылбастан, курулуш материалдарын, анын ичинде кыш өндүрүүдө колдонулат.
Ал ишканаларды бирдиктүү өндүрүштүк чынжырга бириктирүү кошумча наркты көбөйтүп, ата мекендик продукциянын сапатын жана атаандаштыкка жөндөмдүүлүгүн жогорулатарын белгиледи.
