Бишкек, 18.05.26. /Кабар/. Өзбекстандын Ташкент шаарында 18 жашка чейинки эркектер арасында волейбол боюнча Азия чемпионаты (CAVA) өтүүдө.
Дене тарбия жана спорт мамлекеттик агенттигинен билдиришкендей, кыргызстандык спортчулар ийгиликтүү оюн көрсөтүп, Өзбекстандын курама командасын 3:0 эсебинде жеңип, турнирдин финалына чыгышты.
Эми финалдык оюнда Казакстандын курама командасына каршы күч сынашат.
Ошондой эле кыздар курама командасы мелдешти ийгиликтүү улантып, Тажикстандын командасы менен 3-орун үчүн беттеш өткөрөт.
Белгилей кетсек, финалга чыгуу менен Кыргызстандын эркектер курама командасы AVC U-18 Азия чемпионатына жолдомо алды.
