Бишкек, 30.03.26. /Кабар/. Бишкекте өтүп жаткан Универсиаданын алкагында стол тенниси боюнча жогорку лигада кыздар жана эркектер арасында мелдештер жыйынтыкталды. Бул тууралуу Дене тарбия жана спорт агенттигинен билдиришти.
Маалыматка ылайык, эркектер арасындагы мелдештин жыйынтыгы боюнча:
- I орунду — Б. Сыдыков атындагы Кыргыз-Өзбек эл аралык университетинин студенттери;
- II орунду — Ош мамлекеттик университетинин студенттери;
- III орунду — Б. Турусбеков атындагы Кыргыз мамлекеттик дене тарбия жана спорт академиясынын студенттери багындырды.
Кыздар арасында мелдештин жыйынтыгы боюнча:
- I орунду — И. Раззаков атындагы Кыргыз мамлекеттик техникалык университетинин студенттери;
- II орунду — Ош мамлекеттик университетинин студенттери;
- III орунду — Б. Н. Ельцин атындагы Кыргыз-Россия Славян университетинин студенттери ээледи.
