Бишкек, 27.11.25 /Кабар/. Министрлер кабинетинин төрагасынын орун басары — суу ресурстары, айыл чарба жана кайра иштетүү өнөр жайы министри Бакыт Төрөбаев Өзбекстандын Ташкент шаарында “Борбор Азия – Европа биримдиги” үчүнчү экономикалык форумуна катышты.
Форумда сөз сүйлөгөн минкаб төрагасынын орун басары Бакыт Төрөбаев, экономика, жашыл энергетика, транспорт, маанилүү кен байлыктары сыяктуу бир катар тармактарда аймактар аралык кызматташуунун чыңдоонун жана өз ара аракеттенүүнү улантуунун маанилүүлүгүн белгиледи.
Ошондой эле, форумдун алкагында Бакыт Төрөбаев Евробиримдиктин эл аралык өнөктөштүк боюнча комиссары Йозеф Сикела менен жолукту.
Жолугушуунун жүрүшүндө Кыргызстан менен Европа биримдигинин ортосундагы учурдагы кызматташтыгы сүйлөшүлдү. Анда, Төрөбаев Кыргызстанда олуттуу долбоорлорду ишке ашырууда Европа Биримдиги жана Европа институттары тарабынан көрсөтүлүп жаткан колдоону жогору баалады.
