Бишкек, 02.04.26. /Кабар/. “Кумтөр Голд Компанинин” директорлор кеңешинин жана башкармалыгынын мүчөлөрү Токмок шаарындагы дөңгөлөктөрдү кайра иштетүүчү заводго инспекция жүргүзүп, долбоордун иши жана өнүгүү келечеги менен таанышты. Бул тууралуу аталган компаниядан билдиришти.
Маалыматка ылайык, анда долбоордун экологиялык мааниси талкууланды. Компаниянын жетекчилиги заводдун кызматкерлери менен бирге аймакты жашылдандыруу иштерине катышып, ак кайың жана балатынын көчөттөрүн отургузушту.
Директорлор кеңешинин төрагасы Болотбек Идирисов белгилегендей, компания өндүрүштү өнүктүрүү менен катар айлана-чөйрөнү коргоого өзгөчө көңүл бурат.
“Жакынкы жылдары бул жер кооз жана жайлуу аллеяга айланып, шаар тургундары үчүн жагымдуу эс алуу жайына айланат деп ишенем", – деди ал.
Учурда завод тесттик режимде иштеп жатат.
