Бишкек, 14.09.26. /Кабар/. Шаар куруу жана архитектура департаментинин Токмок шаардык шаар куруу жана архитектура башкармалыгынын жаңы административдик имараты ачылды.
Курулуш, архитектура жана турак жай-коммуналдык чарба министрлигинен билдиришкендей, имараттын курулуш иштери былтыр май айында башталган. Анын жалпы аянты 533 м² түзөт.
Имарат Курулуш министрлигинин ички ресурстарынын эсебинен курулду.
Жаңы административдик имаратта жарандарды кабыл алуу жана мамлекеттик кызматтарды көрсөтүү үчүн заманбап шарттар түзүлүп, "Бирдиктүү терезе"бөлүмү, архив, конференц-зал, кабыл алуу бөлмөсү, бухгалтерия жана кызматтык бөлмөлөр жайгаштырылган.
Белгилей кетсек, бүгүнкү күндө министрликке караштуу 20га жакын административдик имарат курулуп, пайдаланууга берилди.
