Бишкек, 19.03.25. /Кабар/. Түндүк-Түштүк альтернативдик унаа жолунун Арал-Казарман тилкесинде тоо боорунан кулаган таштар тазаланып, бир тараптуу каттам берилди.
Транспорт министрлигинен билдиришкендей, азыркы тапта аймакты караган № 18 Жол тейлөө ишканасынын кызматкерлери тарабынан кеңейтүү иштери жүрүүдө.
Белгилей кетсек, кечээ саат 22:10 дор чамасында жолдун 276-чакырымына таш көчкү түшүп, жол убактылуу жабылган.
Жерине дароо № 18 ЖТИнин кызматкерлери тартылып, 19-мартка караган түнү, саат 03:00дор чамасында каттам берилген.
