Бишкек, 23.04.26. /Кабар/. Талас облусунун Көпүрө-Базар айылындагы оорукананын курулушунда кирпичтердин сапаты текшерилди.
Курулуш, архитектура жана турак жай-коммуналдык чарба министрлигинен билдиришкендей, Курулушта сертификаттоонун республикалык борборунун кызматкерлери дубалдын бекемдигин аныктоо ыкмасын колдонушту. Анда курулуш иштеринин сапаты жана долбоордук чечимдерге шайкештиги бааланат.
Учурда лабораториялык изилдөөлөр жүргүзүлүүдө.
Министрлик сыноолордун жыйынтыгы боюнча бекемдик көрсөткүчтөрүнүн белгиленген талаптарга шайкештигине баа берилерин кошумчалады.
