Бишкек, 04.10.25. /Кабар/. Төлөбеков Талантбек Төлөбекович Маданият, маалымат жана жаштар саясаты министрлигине караштуу Кинематография департаментинин директору болуп дайындалды.
Маданият министрлигинен билдиришкендей, жаңы дайындалган директорду жалпы эмгек жамаатка министр Мирбек Мамбеталиев жана анын орун басары Марат Тагаев тааныштырды.
Буга чейин аталган кызматты Улан Айылчиевич Адамалиев ээлеп келген. Ал кызматтан өзүнүн арызынын негизинде бошотулган.
Талантбек Төлөбеков 1983-жылы 4-майда Бишкек шаарында төрөлгөн.
Ал продюсер, Кыргызстандын Кинематографисттер союзунун жана Кинопродюсерлер ассоциациясынын башкармалыгынын мүчөсү.
Б.Бейшеналиева атындагы КУМИУну, Ч. Базарбаев атындагы хореографиялык окуу жайды аяктаган.
