Бишкек, 10.11.26. /Кабар/. Базар-Коргон районунда сугат суу менен камсыздоону жакшыртуу максатында 7 скважинаны ишке киргизүү пландалууда. Бул тууралуу Суу ресурстары, айыл чарба жана кайра иштетүү өнөр жай министрлигинен билдиришти.
Маалыматка ылайык, учурда Сейдикум айыл өкмөтүнө караштуу Кызыл-Ай участогунда жаңы скважинадан сыноо иретинде суу чыгарылды.
Иштер капиталдык салымдар беренесинин эсебинен жүргүзүлүп, аймактагы сугат суу маселесин чечүүгө жана дыйкандарды суу менен камсыздоону жакшыртууга багытталган.
