Бишкек, 07.03.25. /Кабар/. Мамлекеттик салык кызматы базарлардын администрациялары менен биргеликте ишкерлерге товарларды легалдаштыруу боюнча түшүндүрүү иштерин улантууда.
Ведомстводон маалымдашкандай, жолугушуулардын жүрүшүндө баштапкы документтери жок товарларды эсепке коюуга мүмкүндүк берүүчү жаңы кагаз документи – кириштөө документин колдонуу эрежелери түшүндүрүлүүдө.
Алсак, Салык кызматынын жетекчилиги жана кызматкерлери "Аламүдүн базарынын" ишкерлери менен жолугушуу өткөрүштү, ага Салык кызматынын төрагасынын орун басары Кубанычбек Ысабеков, профилдик башкармалыктардын жетекчилери, ошондой эле 100дөн ашык ишкерлер катышты.
Бул документ баштапкы эсепке алуу документтери жок болгон же талаптагыдай таризделбеген товарларды каттоого мүмкүндүк берет.
Товарларды 2025-жылдын 1-апрелине чейин гана мыйзамдаштырууга болот.
Салык кызматы салык жол-жоболорун жөнөкөйлөтүү үчүн түшүндүрмөлөрдү жана консультацияларды берүү менен ишкерлерге колдоо көрсөтүүнү улантат.
