Бишкек, 18.05.26 /Кабар/. Президент Садыр Жапаров бүгүн, 18-майда, Азербайжан Республикасынын Баку шаарында өтүп жаткан Бүткүл дүйнөлүк шаарлар форумунун (WUF13) 13-сессиясына катышууда.
Иш-чаранын алдында мамлекет башчысын Азербайжандын президенти Илхам Алиев жана БУУнун Калктуу конуштар боюнча программасынын (UN-Habitat) аткаруучу директору Анаклаудия Росбах тосуп алышты.
Саламдашуу аземинен жана биргелешип сүрөткө түшүүдөн кийин делегация башчылары форумга катышуу үчүн залга бет алышты.
