Ташкент, 05.03.25. /Кабар/. Россиянын Свердлов облусунун губернаторунун орун басары Василий Козлов жетектеген расмий делегация Кыргызстандын бир катар ишканаларын кыдырды.
Суу ресурстары, айыл чарба жана кайра иштетүү өнөр жайы министрлигинен билдиришкендей, келген делегациянын курамында агроөнөр жай комплекси жана керектөө рыногы министри, ошондой эле Свердлов облусунун рыногун азык-түлүк менен камсыздоодо кыргызстандык өнөктөштөр менен кызматташууга кызыкдар болгон аймактык компаниялардын жана ишканалардын өкүлдөрү бар.
Свердлов облусунун делегациясы төмөнкүдөй компанияларды алып келген:
- "ПродИмпекс" ЖЧК;
- "Эко Фармер" ЖЧК;
- "Бай Элим" ЖЧК.
Кыдыруунун жүрүшүндө компаниялар Екатеринбургдун соода түйүндөрүн азык-түлүк менен камсыздоо боюнча узак мөөнөттүү өнөктөштүк маселелери талкууланды. Конкреттүү келишимдерди түзүү максатында Россиянын соода түйүндөрүнүн өкүлдөрү менен жолугушуу өттү.
Россия тараптын “Доктор Аппетит” СҮ ( “Верный”соода түйүнү), “Продовольственная компания” ЖЧКсы, “ТК Меридиан” ЖЧКсы, “Флагман” жана ТПК “Бест” ЖЧКлары сыяктуу соода түйүндөрү жаңы жана кайра иштетилген жашылча – мөмөлөрдү, жаңгактарды жана буурчактарды сатып алууга кызыкдар экендиги белгилүү болду.
