Бишкек 31.08.25 /Кабар/. Президент Садыр Жапаров бүгүн, 31-августта, Кытай Эл Республикасына болгон иш сапарынын алкагында Тяньцзинь шаарындагы "Мэйцзянь" көргөзмө жана конференция борборуна келди.
Мамлекет башчысын КЭРдин төрагасы Си Цзиньпин жана Биринчи айымы Пэн Лиюань тосуп алышты.
Саламдашуу аземи жана биргелешкен сүрөткө түшүү аяктагандан кийин делегация башчылары ШКУга мүчө өлкөлөрдүн лидерлеринин урматына уюштурулган тосуп алуу кечки тамагына катышуу үчүн залга өтүштү.
