Бишкек, 09.06.25. /Кабар/. Германияда УЕФАнын Улуттар лигасынынын финалы жыйынтыкталып, Португалия менен Испаниянын футбол боюнча курамалары беттешти. Оюн Мюнхендеги “Мюнхен аренасы” стадионунда өттү. Аны Сандро Шерер башында турган калыстар тобу тейледи.
Португалиянын курамасы 2:2 эсебинде, пенальтиде 5:3 менен жеңишти камсыздап, Улуттар лигасынын жеңүүсү аталды.
Испаниянын курамасында Мартин Субименди менен Микель Оярсабаль өзгөчөлөндү. Португалиядан Нуну Мендеш менен Криштиану Роналду гол киргизди. Пенальтилер сериясында испаниялыктардан Альваро Мората топту дарбазага киргизе албай калды.
Белгилей кетсек, Португалиянын курамасы бул турнирде экинчи ирет утуп жатат. Алар 2019-жылы Нидерланддарды 1:0 эсебинде жеңген.
УЕФАнын Улуттар лигасынын буга чейинки турниринде Испаниянын курамасы жеңишке жеткен. Финалда алар Хорватиянын командасын 0:0 эсебинде, пенальтиде 5:4 менен уткан болчу.
