Бишкек, 11.06.26. /Кабар/. Ош шаарында он жаңы гүл бакча пайдаланууга берилди. Бул тууралуу мэриядан билдиришти.
Маалыматка ылайык, буга чейин каралбай келген аймактар толугу менен жаңыланып, тургундар үчүн ыңгайлуу эс алуу жайларына айланды. Бардык иштер “Көрктөндүрүү жана жашылдандыруу чарба комбинаты” муниципалдык ишканасы тарабынан аткарылды.
Анда тротуарлар төшөлүп, жарыктандыруу орнотулуп, отургучтар жана таштанды урналары коюлду.
Белгилей кетсек, Ош шаарында муну менен жалпы аянты 2,57 гектарды түзгөн он жаңы жашыл аймак түзүлдү.
