Бишкек, 18.02.25. /Кабар/. Бүгүн Ош шаарынын мэри Жеңишбек Токторбаев кезектеги таңкы рейдке чыгып, бул жолу Р.Абдыкадыров, Пахта-Абад, И. Саидов, Волгоград, Чкалов, Партсъезд, Өскөналиев көчөлөрүн кыдырды.
Муниципалитеттен билдиришкендей, рейддин жүрүшүндө шаар башчысы жеринде тез арада кызыл сызыктан чыгып кеткен, мыйзамсыз жана убактылуу курулуштарды, тосмолорду алып салуу, тротуарларды бошотуу жана жашыл аянтчаларды жаңылоо боюнча тапшырмаларын койду.
Мэр ошондой эле ирригациялык тармактардын абалын көрүп чыгып, эл жыш жайгашкан аймактарда жашыл аймактарды түзүү менен бирге, көп деңгээлдүү унаа токтотуучу жайларды, айрым жерлерде спорт аянтчаларын куруу маселесин карап чыгууну тапшырды.
Шаардын көчөлөрүнүн сырткы көрүнүшүн талаптарга ылайык келтирүү иштери улантылат.
