Ош шаарында Инам Саидов көчөсүндө оңдоо иштери жүрүүдө. Анын бир жагы Мамыров, экинчи жагы Гапар Айтиев көчөсү менен биригип турат.
Көчөнүн жалпы узундугу 2 кмге жетет. Ал эми кеңдиги буга чейин бир унаа араң баткан тар жол болсо, эми кеңейтилип 30 метрге чейин жетти.
Буга чейин жөө жүргүнчүлөр үчүн тротуар болгон эмес. Оңдоо иштеринин алкагында асфальт төшөлүп бүткөн соң, тротуар салынат. Муну менен кошо жарыктандыруу системалары дагы орнотулмакчы.
”Кабар” агенттигинин сүрөтчүсү жаңы жасалган көчөдөн кооз кадрларды фото кайырмакка түшүргөн.
