Бишкек, 29.07.26. /Кабар/. Ош шаарында бочча боюнча чемпионат жыйынтыкталды. Бул тууралуу мэриядан билдиришти.
Маалыматка ылайык, паралимпиадалык спорттун бочча түрү боюнча ачык чемпионат 24-июлда башталган. Спорттук мелдеш Ош шаарынын мэриясынын колдоосу менен Ош шаардык дене тарбия жана спорт комитети тарабынан уюштурулуп, BC1, BC2, BC3 жана BC4 категориялары боюнча өткөрүлдү.
Иш-чаранын соңунда жеңүүчүлөр менен байге ээлерине сыйлыктар тапшырылды. Сыйлоо аземине Ош шаарынын мэринин орун басары Масуда Айдарбекова катышып, спортчуларды жеңиши менен куттуктады.
