Бишкек, 08.04.26. /Кабар/. Ноокатта райондук агрардык өнүктүрүү башкармалыгы тарабынан ички арыктарды тазалоо иштери активдүү жүрүүдө. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, аталган иштер жергиликтүү тургундардын катышуусу менен ашар ыкмасында тазаланууда.
"Бул демилге жазгы сугат мезгилине даярдык көрүү жана сугат суусун үнөмдүү, натыйжалуу пайдаланууну камсыз кылуу максатын көздөйт. Учурда тазалоо иштери райондун бир катар айыл аймагында улантылып, арыктардын өткөрүмдүүлүгүн жакшыртуу, суунун жоготуусун азайтуу жана айыл чарба жерлерин өз убагында сугарууга шарт түзүү багытында маанилүү иштер аткарылууда",-деп айтылат маалыматта.
