Бишкек, 21.07.25. /Кабар/. Күн мурун кыргызстандык мушкер Мунарбек Сейитбек уулу профессионалдык бокстогу алгачкы беттешин ийгиликтүү өткөрдү.
Дене тарбия жана спорт мамлекеттик агенттигинен билдиришкендей, беттеш Бишкек шаарында Япониянын SAIKOU LUSH промоутердик компаниясы тарабынан уюштурулган "Достук кечеси" аттуу бокс боюнча эл аралык иш-чаранын алкагында өттү.
Мунарбек Сейитбек уулунун атаандашы Угандадан келген мушкер Коннрад Серуенге болду. Беттештин жыйынтыгында калыстар бир добуштан жеңишти кыргызстандык мушкерге ыйгарды.
Белгилей кетсек, Мунарбек сейитбек уулу 2024-жылкы Париж Олимпиада оюндарынын күмүш жана дүйнө чемпионатынын коло байгесинин ээси.
