Бишкек, 18.02.26. /Кабар/. Монополияга каршы жөнгө салуу кызматына Айбек Мамыралиев дайындалды. Бул тууралуу Экономика жана коммерция министрлигинен билдиришти.
Ведомствонун маалыматына ылайык, жаңы жетекчини эмгек жамаатка экономика жана коммерция министринин орун басары Беназир Нурланова тааныштырды.
Анда министрдин орун басары кызматтын ишмердүүлүгүнүн негизги багыттары катары сак атаандаштык чөйрөнү өнүктүрүү, керектөөчүлөрдүн укуктарын коргоо жана монополияга каршы мыйзамдардын сакталышына көзөмөл жүргүзүүнү белгиледи.
Социалдык маанилүү товарлардын наркын көзөмөлдөөгө өзгөчө көңүл бурулду.
Ведомствого баалардын негизсиз өсүшүнө жол бербөө жана баа боюнча жашыруун макулдашууларга (бүтүмдөргө) бөгөт коюу максатында рынокторго мониторинг жүргүзүүнү активдештирүү тапшырылды.
Беназир Нурланова жаңы жетекчинин топтолгон кесипкөй тажрыйбасы, билими жана башкаруучулук жөндөмү кызматка жүктөлгөн милдеттерди натыйжалуу ишке ашырууга мүмкүндүк берерин айтты.
