Бишкек, 21.01.26. /Кабар/. Байышов Мирлан Байышович Манас шаардык сотунун төрагалыгына беш жылдык мөөнөткө дайындалды. Бул тууралуу Жогорку соттон билдиришти.
Тиешелүү буйрукка Жогорку соттун төрагасы Медербек Сатыев кол койду.
Күн мурун Манас шаарынын Сот адилеттик үйүнүн жыйындар залында Жалал-Абад облустук сотунун төрайымы Жыпара Сабырова соттун жамаатына Мирлан Байышовду тааныштырып, аны кызматка дайындалышы менен куттуктап, ишине ийгиликтерди каалады.
