Бишкек, 29.09.25. /Кабар/. Минск шаарында Кыргызстандын министрлер кабинетинин төрагасы Адылбек Касымалиев менен Беларустун премьер-министри Александр Турчиндин расмий жолугушуу аземи болуп өттү.
Жолугушуу аземинде мамлекеттик туулар илинип, Ардактуу кароол тизилип, килем төшөлдү. Өкмөт башчылары бири-бири менен учурашып, тууга урмат көрсөтүшүп, эки өлкөнүн мамлекеттик гимндери жаңырды.
Министрлер кабинетинин төрагасы Адылбек Касымалиев жана премьер-министр Александр Турчин расмий делегация мүчөлөрүн тааныштырышты. Саламдашуу аземи аяктагандан кийин делегация башчылары кыргыз-беларус сүйлөшүүлөрүн өткөрүү үчүн Өкмөт үйүнүн имаратына киришти.
Белгилей кетсек, министрлер кабинетинин төрагасы Адылбек Касымалиев күн мурун, 28-сентябрда Беларуска расмий сапар менен келген.
