Бишкек, 11.11.25. /Кабар/. "Россиялык инвесторлорду өнөр жай зоналарынын жана индустриалдык парктардын аянтчаларында долбоорлорго катышууга чакырабыз", - деп билдирди Бишкекте Соода-экономикалык, илимий-техникалык жана гуманитардык кызматташуу боюнча өкмөттөр аралык Кыргыз-Россия комиссиясынын 26-жыйынында министрлер кабинетинин төрагасы Адылбек Касымалиев.
Минкаб башчысы өз сөзүндө Кыргызстан Россияны өнөр жай кооперациясын өнүктүрүүдөгү негизги өнөктөш катары карай турганын белгиледи.
“Курулуш тармагында инновациялык материалдарга жана инфраструктуралык чечимдерге суроо-талап жогору. Биз россиялык инвесторлорду өнөр жай зоналарынын жана индустриалдык парктардын аянтчаларында долбоорлорго катышууга чакырабыз, ийкемдүү шарттарды, салыктык жеңилдиктерди жана административдик колдоону сунуштайбыз”, - деди ал.
