Бишкек, 07.04.25./Кабар/. "Манас" эл аралык аэропортунун учуп-конуу тилкесин оңдоп-түзөө иштери башталды.
"Кыргызстан аэропорттору" ААКтан билдиришкендей, ушуга байланыштуу ар бир дүйшөмбү, шаршемби, жума жана жекшемби күндөрү саат 18:00дөн таңкы саат 03:00гө чейин каттамдар токтотулат.
"Бардык авиакомпанияларга пландалып жаткан оңдоо иштери тууралуу маалымат берилди. Жүргүнчүлөрдөн учуу графигиндеги өзгөрүүлөрдү эске алуусун суранабыз", - деп айтылат маалыматта.
