Бишкек, 06.07.25./Кабар/. 5-июлда «Бишкек Арена» спорттук комплексинде грек-рим күрөшү боюнча өспүрүмдөр арасында (U-15) Азия чемпионаты жыйынтыкталды.
Дене тарбия жана спорт мамлекеттик агенттигинен билдиришкендей, мелдешке Кыргызстан, Казакстан, Өзбекстан, Тажикстан, Индия, Түштүк Корея, Түндүк Корея, Иордания, Тайбей, Түркмөнстан жана Япониянын спортчулары катышты.
Кыргызстандын курама командасы 1 алтын, 2 күмүш жана 4 коло медалга ээ болду.
Алтын медалдын ээси:
85 кг Хасан Гасанов;
Күмүш медалдын ээлери:
38 кг Нурислам Шаимкулов;
62 кг Байел Асылбеков;
Коло медалдын ээлери:
44 кг Юсуф Баялиев;
48 кг Нурэл Өзгөнов;
57 кг Бакай Рустамов;
75 кг Нурдин Анаркулов.
