Бишкек, 04.08.25. /Кабар/. Кыргызстандын самбо боюнча улуттук курама командасынын мүчөлөрү кум үстүндөгү самбо боюнча дүйнө чемпионатында байгелүү орундарга ээ болду.
Дене тарбия жана спорт мамлекеттик агенттигинен билдиришкендей, мелдеш 2-3-август күндөрү Сингапурда болуп өттү.
88 кг чейинки салмакта Жамалбек Асылбек уулу жана +88 кг чейинки салмак категориясында Бекболот Токтогонов күмүш медалга ээ болду.
Улуттук курам самбо федерациясынын президенти Азим Ибраевдин жетекчилиги алдында мелдешке катышты.
Белгилей кетсек, Кыргызстандын курама командасы биринчи жолу дүйнө чемпионатына катышты.
