Бишкек, 04.11.26. /Кабар/. Кыргызстанда жүрөк ритминин бузулушун дарылоонун заманбап ыкмасы – электродсуз кардиостимуляторду имплантациялоо операциясы биринчи жолу жасалды. Бул тууралуу Саламаттык сактоо министрлиги билдирди.
Операция академик М.Миррахимов атындагы Улуттук кардиология жана терапия борборунда француз адистеринин катышуусунда өткөн эл аралык мастер-класстын алкагында жасалды. Процедурага саламаттык сактоо министри Дамир Осмонов жана француз профессору Элуа Марижон катышты.
Электродсуз кардиостимулятор кан тамыр аркылуу түздөн-түз жүрөккө орнотулат. Ал салттуу аппараттардан айырмаланып, электроддорду жана теринин астына атайын түзүлүштү орнотууну талап кылбайт.
Мындан тышкары, иш-чаранын алкагында Саламаттык сактоо министрлиги менен Париждин университеттик ооруканаларынын AP-HP бирикмесинин ортосунда кызматташуу жөнүндө меморандумга кол коюлду. Ал кардиология жана онкология багыттарында тажрыйба алмашууну, адистерди окутууну жана биргелешкен изилдөөлөрдү жүргүзүүнү камтыйт.
