Бишкек, 28.09.26. /Кабар/. Кыргызстандагы жер астындагы минералдык ресурстардын баасы 250 млрд доллар деп бааланат. Бул тууралуу Тоо-кенчилер бирикмесинин төрагасы Акылбек Маралбаев "Кабар" маалымат агенттигине берген маегинде билдирди.
Анын айтымында, бул сумма Эл аралык кеңештин тыянагында көрсөтүлгөн. 250 млрд доллар азыркы эсеп боюнча 22 трлн 682 млрд 500 млн сомго барабар.
"Булардын бардыгы изилденген запастар. Ал эми изилдене электери дагы көп", - деди Акылбек Маралбаев.
