Бишкек, 04.07.25. /Кабар/. 1-сентябрдан баштап мугалимдер электрондук журнал пайдаланышат. Бул тууралуу бүгүн агартуу министринин орун басары Надира Жусупбекова райондук/шаардык билим берүү бөлүмдөрүнүн башчылары менен онлайн-кеңешмеде айтылды.
Агартуу министрлигинен билдиришкендей, ошондой эле ал билим берүү системасын бюрократиядан арылтуу максатында жасалып жаткан иштерге токтолду.
Жусупбекова мурда мугалимдер толтуруп келген класстык журнал жокко чыгарылганын, 2025-2026-окуу жылында мугалимдер "Мугалим" автоматташтырылган маалымат системасы аркылуу электрондук журналды гана толтурушарын билдирди.
