Бишкек, 11.02.25. /Кабар/. Кыргызстандын тышкы иштер министринин биринчи орун басары Асеин Исаев Европа жана Борбор Азия өлкөлөрү үчүн Бириккен Улуттар Уюмунун - Аялдар түзүмүнүн аймактык директору Белен Санс менен жолугушту.
ТИМден билдиришкендей, жолугушуунун жүрүшүндө тараптар Кыргызстан жана БУУ-Аялдар түзүмүнүн ортосундагы кызматташуунун актуалдуу маселелерин жана келечектүү багыттарын талкуулашты.
Асеин Исаев белгилегендей, Кыргызстанда аялдар ар дайым мамлекеттин өнүгүшүнө жана гүлдөшүнө олуттуу салым кошуп келишкен.
Ошондой эле Асеин Исаев бүгүнкү күндө кыргыз аялдары өлкөдөгү экономикалык жана саясий реформаларды ийгиликтүү ишке ашырууда маанилүү кыймылдаткыч күч болгонун белгиледи.
