Бишкек, 13.10.26. /Кабар/. Кыргызстандын Соода-өнөр жай палатасынын алдында Кыргызстан менен Кытайдын ишканаларынын ортосундагы кызматташтыкты өнүктүрүүчү атайын борбор түзүлдү.
Мекеменин маалыматына караганда, борбордун негизги максаты — инвестиция тартуу, эки өлкөнүн ишканаларынын түз байланыштарын түзүү жана биргелешкен өндүрүштөрдү ачууга көмөктөшүү.
Демилге даяр продукцияны импорттоо менен чектелбестен, Кыргызстанда кошумча нарк жараткан өндүрүштөрдү өнүктүрүүгө, жаңы технологияларды өздөштүрүүгө жана ата мекендик ишканалардын эл аралык рынокторго чыгуусуна багытталган.
