Бишкек, 24.09.26. /Кабар/. Жогорку Кеңештин төрагасы Марлен Маматалиев Катар мамлекетинин Кыргызстандагы элчиси Али Жабер Аль-Гуфран Аль-Марри менен жолугушту.
Парламенттен билдиришкендей, жолугушууда эки өлкөнүн саясий-экономикалык, маданий-гуманитардык байланыштарын кеңейтүү жана парламенттер аралык кызматташтыкты күчөтүү маселелери талкууланды.
Тараптар депутаттык достук топторунун ишин активдештирүүнүн жана эки тараптуу иш сапарларды уюштуруунун маанилүүлүгүн белгилешти.
Марлен Маматалиев Катардын Мажлис Аш-Шурасынын төрагасы Хасан бин Абдулла Аль-Ганимди Кыргызстанга расмий сапар менен келүүгө чакырды. Ошондой эле соода байланыштарын өнүктүрүү жана гуманитардык долбоорлорду улантуу боюнча пикир алмашуу болду.
