Бишкек, 13.10.26. /Кабар/. Кыргызстан 30-сентябрдан 7-октябрга чейин өткөн Эл аралык жарандык авиация уюмунун (ИКАО) текшерүүсүн олуттуу сын-пикирлерсиз аяктады. Бул тууралуу Жарандык авиация мамлекеттик агенттигинен билдиришти.
Миссиянын алкагында эл аралык эксперттер учуулардын коопсуздугуна мамлекеттик көзөмөл жүргүзүү системасынын натыйжалуулугун жана аны өркүндөтүү боюнча чаралардын аткарылышын баалашты.
Агенттиктин маалыматына ылайык, миссиянын жыйынтыгы өлкөдө авиациялык коопсуздук системасын өнүктүрүү жана ИКАОнун эл аралык стандарттарын сактоо багытында жүргүзүлүп жаткан иштердин натыйжалуулугун тастыктады.
