Бишкек, 19.02.25. /Кабар/. "Кыргыз почтасы" ААК Кыргызстандын атынан Швейцариянын Берн шаарында өтүп жаткан Дүйнөлүк почта бирлигинин почталык эксплуатациялоо кеңешинин жыйынтыктоочу отурумуна катышууда.
Санариптик өнүктүрүү министрлигинен билдиришкендей, иш-чарада Дубайда өтө турган UPUCongress`тин алдында почта тармагын өнүктүрүүнүн негизги маселелери, анын ичинде дүйнөлүк почта стратегиясы, бизнес-план, санариптештирүү жана туруктуу өнүгүү маселери талкууланат.
Кыргызстан глобалдык почта тармагынын келечегин түзүүгө жигердүү катышып, эл аралык кызматташтык, логистиканы өнүктүрүү жана инновациялык технологияларды киргизүү боюнча демилгелерди илгерилетүүдө. Өлкөнүн сессияга катышуусу почта жана логистикалык кызматтардын сапатын жогорулатуу үчүн алдыңкы чечимдерди интеграциялоого умтулгандыгын белгилейт.
