Бишкек, 16.02.26. /Кабар/. Министрлер кабинетинин төрагасынын биринчи орун басары Данияр Амангелдиев Германияга болгон иш сапарынын алкагында 62-Мюнхен коопсуздук конференциясына катышты.
Иш-чаранын алкагында Данияр Амангелдиев төмөнкү адамдар менен бир катар эки тараптуу жолугушууларды жана сүйлөшүүлөрдү өткөрдү:
- Италиянын министрлер кеңешинин төрагасынын орун басары, тышкы иштер министри Антонио Таяни;
- Хорватиянын тышкы жана европалык иштер министри Гордан Грлич-Радман;
- Сербиянын Европа интеграциясы боюнча министри Неманья Старович;
- АКШ президентинин глобалдык өнөктөштүк боюнча атайын өкүлү Паоло Замполли;
- Европа биримдигинин санкциялар боюнча атайын өкүлү Дэвид О`Салливан;
- Европа Борбордук банкынын президенти Кристин Лагард;
- Европа биримдигинин эл аралык өнөктөштүк боюнча комиссары Йозеф Сикела;
- ЕККУнун мурдагы башкы катчысы Хельга Шмид.
Жолугушуулардын жүрүшүндө санкциялар жаатындагы кызматташтык маселелери, ошондой эле Кыргызстандын 2027-2028-жылдарга БУУнун Коопсуздук Кеңешинин туруктуу эмес мүчөлүгүнө талапкерлигин жылдыруу маселелери талкууланды.
